Te berdea zure hortzoien osasunerako

Antzinatik, Txinako medikuntza tradizionalean, te berdea edari osasungarritzat hartu izan da beti. Orain azpimarratzen ari da bere propietate antioxidatzaileak onuragarriak izan daitezkeela ez bakarrik osasun orokorrerako, baita ahozko osasunerako ere. 1.000 japoniar baino gehiagorekin egindako ikerketa batean, te berdea aldizka edaten zutenek hortzoi osasuntsuagoak zituzten edaten ez zutenek baino.

Te berdeak osagai polifenolikoak ditu (katekina izenekoak), hantura kontrolatzen eta infekzioei aurre egiten laguntzen dutenak. Horrek azken urteotan te berdearen osagaietan oinarritutako ahozko higiene produktu mota guztiak garatzea ekarri du.

Hainbat ikerketa egin dira te berdeko katekinak dituzten aho-garbigarriei buruz; besteak beste, plakaren eta gingibitisaren aurkako propietateak dituztela frogatu da, eta baita sufre konposatu lurrunkorren murrizketarekin ere (halitosiarekin lotuta).

Te berdeko txikleak eragin positiboa izan dezake periodonto-egituren hanturazko erantzunean. Katekinek epitelio-zelulek D-defensinen jariapena eragiten dutela ikusi da, eta D-defensinek zeregin garrantzitsua betetzen dutela ezagutzen da periodonto-gaixotasuna prebenitzeko (epitelio-hesia periodonto-patogenoen aurka indartzen laguntzen dute).

 

www.cuidatusencias.es